Ealli arkiiva

Luossabivdu Deanu alde miessemánu loahpas 1990 ja 2006

Miessemánu loahppa ja luossabivdu gulle nannosit oktii jagis 1990, go dát ságat leat vuosttas geardde sáddejuvvon Sámi Radios. Luossabivddus deaivat Deanu alde Asko Länsman, Lasse Johansen, Saarel-Ovllá, Oula Aikio ja Biipoalbmá, Niiles Aikio ja luossabivddu geahččamin gáttis Kaija Länsman. Doaimmaheaddji lea Inger Mari Aikio. Dan maŋŋá mannát áiggis guhttanuppelot jagi ovddosguvlui ja gullat mo lei luossabivdu miessemánu loahpa geahčen jagis 2006. Nils Lukkari Veahčakis muitala. Doaimmaheaddji lea Jávrri Juhán Niillas, Niilo Aikio. Álggos luossaságat jagis 1990.

30:00

Ándde Jon Risten, Kirsti Guttorm Áhguoikkas muitala dološ herskuin ja dálkkodanvugiin

Dán Ealli arkiiva prográmmas Ándde Jon Risten, Kirsti Guttorm Áhguoikkas muitala makkár mállásiid lávejedje ovdalaš áiggiid borrat. Sii herskostalle ovdamearkka dihtii vuoiŋŋaš- ja jeagelgáhkuiguin ja jokŋalastadeajain ja goike geahppáiguin. Ándde Jon Risten muitala maiddái dološ dálkkodanvugiin. Dát sáttaoassi lea sáddejuvvon vuosttas gearddi Buorre iđit -sáddagis miessemánus 1989. Doaimmaheaddji lea Inger-Mari Aikio.

26:59

Ealli arkiiva: Laestadius-dutkit Nilla Outakoski ja Janne Aikio dovddus sárdnealbmá suokkardallamin, 1979 ja 2002

Lars Levi Laestadius lea stuorrát váikkuhan oskueallimii ja jáhkkui davvin. Su sártnit ja eará doaimmat nugo šaddodutkan leat boktán ollu beroštumis ja dutkamušaid. Nilla Outakoski guorahalai Laestadius váikkuhusaid juo nuorra báhppan ja čálii nákkosgirjjige su sártniid sisdoalus.
Ohcejohkalaš Janne Aikio fas lea čuovvolan Laestadiusa ovtta oskkučeardda bokte ja lea dutkan dán dovddus sárdnealbmá eallima.
Gullat Nilla Outakoski jearahallama jagis 1979, doaimmaheaddjin lea Sulo Aikio. Sardealbmá, dulkka ja orgelčuojaheaddji Janne Aikio jearahallama jagis 2002 lea dahkan Niilo Vuomajoki.

30:01

Ealli arkiiva: Aslak Simma muittaša áhčis Jovnnaš-Jovnna Jovnna, 2009

Aslak Simma masii áhčis nuorra luntan, gávccijahkásažžan. Ollu son goit gearggai oahppat áhčiinnis Jovnnaš-Jovnna Jovnnain, Jouni S. Labbain, gean maid Stuorra-Jovnnan dovde. Dát ságastallan lea báddejuvvon jagis 2009 go Ásllat lea juo rávásman almmái. Doaimmaheaddjin lea Ánneristen Juuso.

30:01

Ealli arkiiva: Go mearra guolehuvvá de gohčodit dan čáhppes áhpin

Mearrabivdit dihtet ahte bohtet ain čieža jagi heajos áigodagat guollebivddus. Dalle go guollebivddus sállašat hedjonit de dan dili lávejit dadjat čáhppes áhpi. Gullat jearahallamiid suoidnemánus 1981. Doaimmaheaddji Jorunn Eikjokk lea fitnan Ingga-Per Ivvár Ivvára, Iver Porsanger bivdofatnasis Várjjavuona alde, guollebivdiid Niillas-Ovlla Reidara, Reidar Larsen ságain Deanodagas ja Simmon Sabbasen ságain Bearalvágis.

30:01

Čájet lasi